Бұл күні стандарттау жөніндегі ұлттық орган Дүниежүзілік стандарттар күніне арналған Форум өткізді.
Қазақстанда қолданыстағы стандарттау жүйесі халықаралық қағидаттарға негізделген. Осы жылы «Стандарттау туралы» Қазақстан Республикасының жаңа Заңы күшіне енді, қысқа уақыт ішінде стандарттаудың жаңа моделіне көшу бойынша нақты қадамдар іске асырылды.
Сауда және интеграция министрлігі Сауда және сыртқы сауда қызметі саласындағы мемлекеттік басқарудың тиімділігін арттыру, шикізаттық емес тауарлар мен қызметтердің экспортын дамыту және ілгерілету жөніндегі міндеттерді шоғырландырады. Дүниежүзілік стандарттар күнін мерекелеу ҚР дамуының стратегиялық маңызды векторы - экспортқа назар аударуға мүмкіндік берді.
Бүгінде тауарлар мен қызметтердің шикізаттық емес экспортын ілгерілету мақсатында үлкен жұмыс жүргізілуде, тауарлардың бәсекеге қабілеттілігін арттыруға бағытталған шаралар қабылдануда және стандарттау осы процесте маңызды рөл атқарады. Сауда әлеуетін нығайтуда және экспортты жылжытуда стандарттау құралдарын тиімді пайдалануға көп көңіл бөлінеді.
Стандарттау жөніндегі ұлттық орган техникалық реттеудің ерекшеліктерін және экспорттың басым елдерінің нарығына қол жеткізу шарттарын зерделейді. Экспорт үшін ең қызықты елдердің бестіктің алғашқы орнын Қытай алып отыр, себебі, Қытай экспорттық қызығушылықтың басым елі болып табылады. Оның үлесіне қазақстандық экспорттың 20 % - дан астамы кіреді.
Ұлттық экспорттық стратегияны дамыту шеңберінде шикізаттық емес экспорттың үлесі 2022 жылға қарай 1,5 есе өсуі тиіс. Осы тапсырманы орындау мақсатында Қытай сияқты шекаралас елдердің нарықтарына өнімді жылжыту үшін қолайлы жағдайлар жасалуда. Осыған байланысты, Қазақстандық стандарттау және сертификаттау институты ҚХР-мен өзара іс-қимыл бойынша жүргізілген талдау жұмысының негізінде азық-түлік және өнеркәсіп өнімдерін жылжыту бойынша Қытайға жеке экспорт алгоритмдерін әзірлеп, ұсынды.
Форум қатысушылары ұсынылған мәліметтерге үлкен қызығушылық танытты және белгілі бір тақырыптар бойынша панельдік пікірталастар барысында өңделген экспорт механизмдерінің маңыздылығын атап өтті. Пікірталас форматында өзекті мәселелер талқыланып, Қытай нарығына қол жеткізу үшін ұсыныстар берілді. Форумға қатысу қазақстандық кәсіпорындарға тәжірибелік білімін арттыруға және тауарларды Аспан асты нарығына жылжытуға мүмкіндік берді.