Техникалық комитеттер

ТК салааралық деңгейде стандарттау жөніндегі жұмыстарды жүргізу үшін ұлттық стандарттау жүйесінің мүдделі субъектілерінің ұсыныстары бойынша экономика салаларында айқындалған стандарттау жөніндегі жұмыстарды ұйымдастыру және жүргізу үшін ерікті негізде құрылады.

Бүгінгі таңда ТК салалық ұлттық стандарттауды құру процесінде барлық мүдделі тараптардың консенсусын қамтамасыз етеді, осылайша стандарттардың сапасын жоғары ғылыми - техникалық деңгейге көтереді.

ТК консультативтік-кеңесші орган ретінде анықталған, бірақ ол заңды тұлға емес, бұл бірінші кезекте белгілі бір саладағы құзыретті мүдделі техникалық сарапшылар тобы, олар өнімнің, технологияның және қызметтердің белгілі бір түрлерін стандарттау жөніндегі жұмыстарды ұйымдастыру және жүргізу үшін ерікті негізде құрылады. ТК стандарттарды әзірлеуде басты рөл атқаратыны белгілі, сондықтан экономиканың барлық басым салаларында ТК құру ұлттық стандарттау жүйесінің ажырамас бөлігі болып табылады.

• ТК келесі функцияларды анықтады:

• * стандарттау бойынша құжаттарды әзірлеуге қатысады және оларды әзірлейді

   стандарттау жөніндегі техникалық комитет мүшелерімен бекітілген қызмет саласына сәйкес ұлттық стандарттар жобаларының мазмұнын техникалық талқылауды ұйымдастырады;

  * стандарттарды қолдану мониторингін жүзеге асырады

  * ұлттық стандарттау жоспарын қалыптастыру бойынша ұсыныстар енгізеді;

  * мемлекеттік органдарға, заңды немесе жеке тұлғаларға базалық ұйым атынан олардың құзыретіне кіретін мәселелер бойынша сұратулар жолдайды;

  * стандарттау саласындағы ғылыми зерттеулерге қатысады;

  * стандарттау жөніндегі халықаралық және өңірлік ұйымдардың стандарттау жөніндегі техникалық комитеттерінің жұмысына қатысады;;

  * Қазақстан Республикасының стандарттау саласындағы заңнамасында көзделген өзге де өкілеттіктерді жүзеге асырады.