Техникалық регламенттердің талаптарын түсіндіру
Қарағанды облысының кәсіпорындары үшін
Қарағандыда «Атамекен» кәсіпкерлер палатасының алаңында «ҚазСтандарт» РМК үйлестіру орталығы КО/ЕАЭО техникалық регламенттерін енгізу мәселелері бойынша өңірдің өндірістік кәсіпорындарының өкілдерімен кеңес өткізді.
Кеңеске қатысушыларға ЕАЭО техникалық регламенттері бойынша ағымдағы жағдай (қолдануға міндетті ережелер) және техникалық реттеу саласындағы инновациялар туралы ақпарат жеткізілді.
«Алкоголь өнімінің қауіпсіздігі туралы», «Астық қауіпсіздігі туралы» техникалық регламенттер, «Көмірдің қауіпсіздігі мен оларды өндірудің, өңдеудің, сақтаудың және тасымалдаудың өндірістік процестеріне қойылатын талаптар» ұлттық техникалық регламентін өзектендіру бойынша жүргізіліп жатқан жұмыстар туралы ақпарат барынша егжей-тегжейлі жарияланды. Көміртекті бейтараптыққа қол жеткізу саласындағы техникалық реттеу мәселелері де қаралды.
Жұмыс сапарының соңында үйлестіру орталығының қызметкерлері «Эфес Қазақстан» ЖК АҚ сыра өндіру зауытына және «Көмір» Ғылыми-зерттеу орталығы» ЖШС базасында техникалық Комитетке (№6 ТК) барды.