Қазақстан-Үндістан үкіметаралық комиссиясының 14-ші отырысы шеңберінде ҚР СИМ ҚазСтандарт басшылығы Ғылыми және өнеркәсіптік зерттеулер жөніндегі кеңестің Үндістан ұлттық физикалық зертханасымен (CSIR-NPL) келісімге қол қойды.
Осы келісім:
- метрология саласында бірлескен ғылыми-зерттеу жобаларын іске асыруға;
- сынақтарда немесе бағалауда пайдалану үшін заттардың стандартты үлгілерін қоса алғанда, үлгілер мен материалдарды өзара ұсынуға;
- шама бірліктерінің эталондарын екі жақты өзара салыстыруды жүргізуге;
- тағылымдамалар мен симпозиумдарды қоса алғанда, академиялық алмасу бойынша өзара іс-қимылды күшейтуге мүмкіндік береді.
Бұған дейін Мемлекет басшысы «Орталық Азия – Үндістан» саммиті барысында Қазақстан мен Үндістан арасындағы сауданы ұлғайту жөнінде тапсырған болатын.
2021 жылы Үндістанға отандық өнім экспорты 3,4%-ға өсіп, $1,625 млрд-қа жетті.