ҚазСтандарт Еуропа нарығына отандық өнімдер үшін «жасыл дәліз» құрады.
3 February 2022
ҚазСтандарт Еуропа нарығына отандық өнімдер үшін «жасыл дәліз» құрады. CE (Conformité Européenne) немесе «Еуропалық сәйкестік» белгісі — өнімге салынатын және оның еуропалық регламенттерге сәйкестігін растайтын арнайы белгі. Қазіргі уақытта Қазақстан Еуропаға құрылыс материалдары мен электр жабдықтарын экспорттайды, бұл ЕО-ның міндетті сертификаттауына жатады. Өз кезегінде, ҚазСтандарт еуропалық тәуелсіз нотификацияланған органдармен ЕО сертификаттау жүйесіндегі әріптестік және Қазақстанның сынақ нәтижелерін тану мәселелері бойынша жұмыс кеңестеріне қатысады. CerTrust сертификаттау агенттігімен (Венгрия) және SIQ Сапа және метрология институтымен (Словения) онлайн – кеңестер өткізілді. Еуропалық әріптестер ҚазСтандарт сынақ зертханасының техникалық мүмкіндіктеріне ерекше қызығушылық танытты.