Ұлттық стандарттарды енгізу арқылы астаналықтардың
өмір сүру сапасын арттыру
24 сәуірде Астана қаласының әкімі Жеңіс Қасымбек пен ҚазСтандарттың бас директоры Ғабит Мұхамбетов түрлі салаларда көрсетілетін қызметтердің сапасын бағалауда стандарттардың рөлін күшейту жөніндегі бірлескен іс-шаралар жоспарына қол қойды.
«Жылдан жылға ұлттық стандарттардың маңыздылығын арттыру қажет. Бірлескен іс-шаралар жоспары – азаматтарымыздың өмір сүру сапасын, әртүрлі салалардағы кәсіпорындар мен ұйымдар жұмысының тиімділігін арттырудағы маңызды қадам. Қол қойылған құжат тұрғын үй-коммуналдық шаруашылық, білім беру, байланыс қызметтері, қоғамдық көлік және жол қозғалысы, аттракциондар қауіпсіздігі, туризм қызметтері және т.б. сияқты маңызды салаларда көрсетілетін қызметтердің сапасын жақсартуды көздейді», - деп Жеңіс Қасымбек атап өтті.
Өздеріңіз білетіндей, өнім сапасына қойылатын талаптар немесе өндіріс процестеріне және қызмет көрсетуге қойылатын техникалық талаптар стандарттарда қарастырылған, олардың қолданылуы, сөзсіз оң әлеуметтік-экономикалық әсерге әкеледі.
«Қазіргі жағдайда стандарттар өнімдер мен қызметтердің қауіпсіздігі мен сапасын жүйелі түрде қамтамасыз етуге, ресурстарды тиімді өндіру мен ұтымды тұтыну үшін жағдай жасауға, ақпараттық қауіпсіздікті қолдауға және азаматтарымыздың өмір сүру сапасын арттыруға мүмкіндік береді», - деп Ғабит Мұхамбетов атап өтті.
Анықтама: Ұлттық қорда 74 мыңнан астам стандарт бар, олардың ішінде 9 мыңнан астамы ұлттық, 27 мыңға жуық мемлекетаралық және 36 мың халықаралық стандарт бар.
2022 жылдың қорытындысы бойынша экономика салаларында ұлттық стандарттарды қолдану қолданыстағы ұлттық стандарттардың жалпы санының 56,3%-ын құрады.