Конкурстық іріктеу нәтижесі бойынша Қазақстан Республикасы Сауда және интеграция министрлігі Техникалық реттеу және метрология комитетінің «Қазақстан стандарттау және метрология институты» РМК Бас директоры лауазымына осы уақытқа дейін аталған институттың орынбасары қызметін атқарған Әмірханова Еркежан Мағауияқызы тағайындалды.
Еркежан Әмірханова 1994 ж. Ломоносов атындағы ММУ (Мәскеу қ., РФ), 2002 ж. - Қарағанды «Болашақ» өзекті білім беру институтын, ал
2017 ж. – «Стандарттау, сертификаттау және метрология» мамандығы бойынша Қостанай инженерлік-экономикалық университетін бітірді.
Оқытушылық қызметте, ұлттық компаниялардың ведомстволық бағынысты және еншілес ұйымдарының заң және кадр бөлімшелерінде, «Kazakh Invest» ұлттық компаниясы» АҚ-да басшылық лауазымда, стандарттау жүйесінде 2008 жылдан бастап жұмыс тәжірибесі бар.
«Қазақстан стандарттау және сертификаттау институты» РМК-да (ал қазір «ҚазСтандарт» РМК-да) Е. М. Әмірханова соңғы 15 жыл бойы ҒЗЖ, СМЖ және оқыту, техникалық нормалау, жіктеу және ҒЗЖ басқармаларының бастығы, ТБТ/СФС шаралар жөніндегі ақпарат орталығының директоры, Стандарттарды талдау және жүйелеу департаментінің басшысы, Техникалық реттеу жөніндегі үйлестіру орталығының басшысы, Бас директордың орынбасары, Бас директордың бірінші орынбасары қызметтерін атқарды.
«Ерен еңбегі үшін» медалімен (2018 ж.) – мемлекеттік наградасымен, Стандарттау, метрология және сертификаттау жөніндегі мемлекетаралық кеңестің (ТМД МАК) құрмет белгісімен марапатталған, «Қазақстан Республикасының еңбек сіңірген стандарттаушысы» атағының иегері, сондай-ақ Президент Әкімшілігі мен Үкімет басшылығының бірқатар құрмет грамоталарымен және алғыс хаттарымен марапатталған, «Стандарттау туралы» Қазақстан Республикасының Заңын әзірлеуге белсенді қатысты.
Ұжымға жаңа басшыны таныстыра отырып, «Жүйедегі басшылық лауазымдардағы жұмыс тәжірибесі, мінсіз беделі, көзқарасы және нақты салаларда үзіліссіз еңбек атқаруы – осының бәрін жинақтай келе, әрі гендерлік теңгерімді де ескере отырып, біз үшін маңызды таңдау жасалды», - деп атап өтті ҚР СИМ ТРМК Төрағасы Қуаныш Елікбаев, сонымен қатар жаңа басшылықтың алдына сыбайлас жемқорлық көріністерінің кез келген түрлеріне қарсы іс-қимыл жөнінде шаралар қабылдау туралы ескертіп, саланы дамыту жөніндегі міндеттер қойды.