13 желтоқсанда Қазақстан Республикасының төрағалығымен Еуразиялық экономикалық комиссия алаңында өткен ЕАЭО-ға мүше мемлекеттердің стандарттау жөніндегі мемлекеттік (ұлттық) органдары басшылары кеңесінің 8-ші отырысы өтті.
Күн тәртібіне сәйкес, бірлескен жұмыс пен бірыңғай тәсілдерді талап ететін стандарттау саласындағы өзекті мәселелер талқыланды. 2021 жылы басталған жобаларды жалғастыру туралы шешім қабылданды:
– ЕАЭО шеңберінде техникалық реттеу процестерін цифрландыру бойынша;
– стандарттармен қамтамасыз етілмеген ЕАЭО/КО техникалық регламенттерінің қауіпсіздік көрсеткіштеріне зерттеулер (сынақтар) және өлшемдер әдістемелерін әзірлеу жоспарын қалыптастыру бойынша;
– стандарттау саласындағы келісілген саясат бойынша, сондай-ақ ЕАЭО шеңберінде стандарттауды бірыңғай реттеудің кешенді шешімін талап ететін басқа да мәселелер бойынша.
ЕАЭО-ға мүше мемлекеттер Техникалық регламенттерге стандарттардың қолданыстағы тізбелеріне енгізілген зерттеулер (сынақтар) және өлшемдер әдістемелеріне қол жетімділікті қамтамасыз ету жөніндегі жұмысты жалғастырады.
Кеңес Төрағасы-Әбенов Арман Дәулетұлы, ҚР СИМ Техникалық реттеу және метрология комитетінің төрағасы, 2022 жылы Кеңес отырысының төрағалығын Қырғыз Республикасы Экономика министрлігі жанындағы Стандарттау және метрология орталығының директоры, Кеңес мүшесі – Ахматов Сұлтан Маматұлына тапсырды.