Өлшеу құралдарын бастапқы тексеру (калибрлеу) нәтижелерін тану мынадай жағдайларда жүзеге асырылады::
- өлшем құралының түрі бекітілді және Қазақстан Республикасының өлшем бірлігін қамтамасыз етудің мемлекеттік жүйесінің тізіліміне енгізілді;
- шетелдік фирманың метрологиялық қызметі салыстырып тексеру (калибрлеу) жұмыстарын жүргізуге экспорттаушы елдің ұлттық метрологиялық қызмет органымен, ал өлшем құралдарын салыстырып тексеру (калибрлеу) нәтижелерін тануды ұсынған елдің ұлттық заңнамасында болмаған жағдайда уәкілетті немесе аккредиттелген.
ҚР СТ 2.40-2002 талаптарына сәйкес өлшем құралдарын бастапқы тексеруді (калибрлеуді) тану үшін өтініш беруші уәкілетті органның мемлекеттік ғылыми метрологиялық орталығына мыналарды қамтитын құжаттар жиынтығын ұсынады:
- өлшем құралдарын бастапқы тексеру (калибрлеу) нәтижелерін тануды жүзеге асыруға арналған өтінім;
- ұлттық уәкілетті орган берген шетелдік фирманың метрологиялық қызметті аккредиттеу туралы аттестатының (куәлігінің, сертификатының) көшірмесі немесе өз елінің шеңберінде өлшем құралдарына салыстырып тексеру (калибрлеу) жүргізу құқығын куәландыратын өзге де құжат және өлшем құралдарына салыстырып тексеру (калибрлеу) жүргізу кезінде зертхана жүзеге асыратын өлшемдердің қадағалануын растайтын ақпарат (немесе декларация) (аккредиттелген немесе уәкілетті метрологиялық қызметтер берген эталондарды салыстырып тексеру (калибрлеу) сертификаттары));
- салыстырып тексеру (калибрлеу) жұмыстары бөлігінде шетелдік фирманың метрологиялық қызметінің сапасы жөніндегі нұсқаулықтың көшірмесі;
- салыстырып тексеру (калибрлеу) құралдары (олардың тізбесі, салыстырып тексеру, калибрлеу туралы сертификаттардың көшірмелері) және өлшеу керек-жарақтары, оның ішінде қолданылатын эталондарды салыстырып тексеру/калибрлеу туралы сертификаттардың көшірмелері туралы ақпарат;
- өлшем құралдарын бастапқы тексеруді (калибрлеуді) ресімдеу тәртібі туралы ақпарат (сертификат (куәлік, сынақ хаттамасы немесе өлшем құралдарын бастапқы тексерудің (калибрлеудің) оң нәтижелерін растайтын басқа да құжаттар) және/немесе ТИ-ге қойылатын таңбалардың суреттері).
Егер зертхана ИСО/МЭК 17025 талаптарына сәйкес аккредиттелген жағдайда және зертхананы аккредиттеген аккредиттеу жөніндегі орган "әртүрлі елдердің зертханаларында алынған сынақтар мен калибрлеу нәтижелерін өзара тану туралы келісімге" қол қою болып табылса, мемлекеттік және/немесе орыс тілдеріне аударылған және нотариалды куәландырылған мынадай құжаттардың негізінде өлшеу құралдарын бастапқы тексеру (калибрлеу) нәтижелерін тануға жол беріледі:
- аккредиттеу туралы аттестаттың (куәліктің, сертификаттың) ;
- аккредиттеу саласы және өлшем құралдарының танылатын түрлерін салыстырып тексеру (калибрлеу) туралы сертификаттың үлгісі".
Оң шешім қабылданған жағдайда шетелдік фирманың метрологиялық қызметі Қазақстан Республикасының өлшем бірлігін қамтамасыз етудің мемлекеттік жүйесінің тізіліміне енгізіледі және осы ақпарат өтініш берушінің назарына жеткізіледі.
Өтініш берушінің өлшем құралдарын бастапқы тексеру (калибрлеу) нәтижелері олардың типін бекіту туралы сертификаттың қолданылу мерзіміне танылады.