Халал СРО саясаты

Халал өнімін сертификаттау жөніндегі органның (Халал СРО) миссиясы

Халал өнімін сертификаттау жөніндегі органды құруға «ҚазСтандарт» РМК бастамашылық етті.

Халал СРО - бұл Қазақстан Республикасында Халал өнімдерін сертификаттау жөніндегі алғашқы ұлттық аккредиттелген орган.
Тәуелсіз, сенімді және халықаралық деңгейде танылған Халал СРО сертификаттау жүйесіне сұраныстың артуы нәтижесінде Халықаралық аккредиттеу орталығында EIAC халықаралық аккредиттеу орталығы (Emirates International Accreditation Centre) мүдделі тараптарға Халал өнімдерін өндіру және Парсы шығанағы елдерінің нарықтарына шығу мақсатына жетуге ықпал ету үшін құзыреттілігін растады.
Халал талаптарын сақтау жануарларды өсіру мен союдан, шикізатты сатып алудан, жеткізуден, сақтаудан, дайындаудан, өндіруден, буып-түюден және таңбалаудан бастап, тасымалдау мен сатуға дейінгі барлық өнім тізбегі, әрбір қадам Халал өнімінің стандарттарға сәйкестігіне кепілдік беруі тиіс екендігін талап етеді.

Мақсаттары
Халал СРО Халал өнімдерін сертификаттауға, халықаралық талаптарға сәйкес сертификаттау схемалары мен рәсімдерін жетілдіруге қатысты ең жоғары стандарттарға ұмтылады.
Халал СРО өндірушілер арасында Халал тұжырымдамасының хабардарлығын және түсінігін арттыруға ұмтылады.
Халал СРО Халал өнімінің жоғары кәсіби аудиторлар командасының құзыреттілігін үздіксіз арттыруға ұмтылады.

Халал СРО бейтараптық саясаты

Қазақстан стандарттау және метрология институтының Халал өнімін сертификаттау жөніндегі органы (бұдан әрі – Халал СРО) сертификаттау нәтижелеріне ықпал ету мақсатында оған әкімшілік, коммерциялық, қаржылық және (немесе) өзге де қысым көрсетудің кез келген мүмкіндігін болдырмай, сертификаттайтын ұйымдардан тәуелсіз болып табылады. Бұл Халал өнімдерін сертификаттау жөніндегі органның қызметін жүзеге асыру кезінде объективтілікке кепілдік береді.

Халал СРО басшылығы Халал өнімдерін сертификаттау бойынша жұмыстарды жүргізу кезінде бейтараптықтың маңыздылығын толық түсінетінін, бар қауіп-қатерлерді түсінетінін және оларды жою үшін қажетті шараларды уақтылы қабылдайтынын мәлімдейді.

Халал СРО Халал сертификаттауды жүргізу кезінде туындауы мүмкін мүдделер қақтығыстарын, оның ішінде Халал сертификаттау рәсімдерінің тапсырыс берушілерімен өзара қарым-қатынастардан туындайтын қақтығыстарды қоса анықтайды, талдайды және құжаттайды.

Халал СРО объективті дәлелдерге негізделген сертификаттау шешімдерін қабылдау кезінде бейтараптыққа кепілдік береді.

Халал СРО, егер қарым-қатынас бейтараптықты қамтамасыз ету үшін жол берілмейтін қауіпке айналса, Халал сертификатын жүргізбейді.

Халал СРО Халал өнімдерін сертификаттау бойынша консультациялық қызметтер көрсететін ұйымдарды қосалқы мердігерлер ретінде аудит жүргізуге тартпайды.

Халал СРО жарнамалық және басқа материалдарда халалды сертификаттау қарапайым, жеңіл, жылдам немесе арзан болады деп мәлімдемейді және қолдануға жол бермейді.

Халал СРО барлық персоналдан ықтимал мүдделер қақтығысы және туындайтын бейтараптық қауіптері туралы дереу хабарлауды талап етеді және оларды жою үшін барлық қажетті жауап әрекеттерінің орындалуын қамтамасыз етеді.

Халал СРО басшылығы осы саясатты сертификаттау жұмыстарын жүргізуге қатысатын барлық персоналға жеткізуге толық жауапты

Халал СРО сапа саласындағы саясат

Қазақстан стандарттау және метрология институтының Халал өнімдерін сертификаттау жөніндегі органының (бұдан әрі – Халал СРО) стратегиялық мақсаты өнімнің Ислам заңдарының талаптарына сәйкестігін растау жөніндегі жұмыстарды жоғары ұйымдастырылған, білікті, объективті орындау, Халал сертификаттау жөніндегі сенімді органның беделін халықаралық деңгейде ұстап тұру болып табылады.

Халал СРО қызметі Қазақстан Республикасы кәсіпорындарының қажеттіліктерін сәйкестікті бағалау саласындағы жоғары сапалы жұмыстармен және көрсетілетін қызметтермен қамтамасыз етуге, мынадай жолдармен күтулерді қанағаттандыруға бағытталған:

‒Халал өнімдерін сертификаттаудың объективті, тәуелсіз және құзыретті органы ретінде имиджді қалыптастыру;

‒Халал СРО сертификаттау жүргізген Халал өнімдеріне тұтынушылардың сеніміне қол жеткізу;

‒аккредиттеу саласына сәйкес Халал өнімдерін сертификаттау жөніндегі қызметті жүзеге асыру.

Халал СРО басшылығы мыналарды қамтамасыз етуге міндеттенеді:

‒менеджмент жүйесінің нормативтік құжаттардың талаптарына сәйкестігі, оны үнемі жақсарту, жарамдылығын, барабарлығы мен нәтижелілігін арттыру;

‒қажетті ресурстарды, соның ішінде ресурстарды оқытуға, жақсартуға және түрлендіруге бөлу;

‒жұмысқа байланысты жарақаттардың және денсаулық жағдайының нашарлауының алдын алу үшін қауіпсіз және денсаулыққа қолайлы жұмыс жағдайлары, заңнамалық және өзге де талаптарды орындау;

‒ұжымда қолайлы моральдық-психологиялық ахуал жасау.

Халал СРО басшылығы осы Саясатты іске асыру жөніндегі жұмыстарды ұйымдастыруға және қамтамасыз етуге және Халал өнімдерін растау жөніндегі органның менеджмент жүйесінің нәтижелілігі үшін жауапкершілікті өзіне алады.