Халал өнімдерін сертификаттау
Халал өнімдерін сертификаттау
Халал өнімдерін сертификаттау мына кезеңдерден тұрады:
1. Өтінім берушіден өтінім мен құжаттарды беру
2. Шарт жасасу
3. Бастапқы аудит (екі кезеңді)
4. Халал өнімдерінің сәйкестігі сертификатын беру немесе бас тарту туралы шешім қабылдау
Бірінші және екінші жылдар ішіндегі инспекциялық аудиттер
5. Бірінші және екінші жылдар ішіндегі инспекциялық аудиттер
1. Өтінім берушіден өтінім мен құжаттарды беру
Өтінім беруші Халал СРО-ға оның құқықтық мәртебесіне/заңды тұлғаға, шикізатқа, ингредиенттерге, дайын өнімге, Халал стандарттарының талаптарын сақтауға, тамақ өнімдерінің қауіпсіздігі менеджменті жүйесінің құжаттарына және т.б. қатысты сертификаттау схемасына сәйкес сәйкестікті растау процесін жүзеге асыру үшін өтінім мен қажетті ақпаратты ұсынады.
Халал СРО өтінім берушіден қосымша ақпаратты талап етуі мүмкін.
Өтінімді қарау қорытындылары бойынша Халал СРО өтінімді қабылдау немесе бас тарту туралы шешім қабылдайды.
СЕРТИФИКАТТАУҒА ӨТІНІМ БЛАНКІ (ЖҮКТЕУ)
2. Шарт жасасу
Халал өнімдерін сертификаттауға үлгілік шартқа Тараптар қол қояды
3. Бастапқы аудит (екі кезеңді)
Бастапқы аудит 2 кезеңнен тұрады.
Аудит жөніндегі топ басшысы аудит жоспарын әзірлейді, тапсырыс берушімен келіседі.
Аудит жөніндегі топ Халал өнімдеріне қойылатын ерекшеліктер мен стандарттар талаптарына сәйкес құжаттарға талдау жүргізеді, өтінім берушінің орналасқан жері бойынша аудит жүргізеді.
1-кезеңде Халал СРО өндіріс желісінен өнім үлгілерін іріктеуді және Халал өніміне арналған ерекшелік талаптарына сәйкес өнімді сынауды жүргізе алады
Аудит нәтижелері бойынша аудит жөніндегі топ есепті ресімдейді:
1) Сәйкессіздіктердің жоқтығы туралы растау.
2) Сәйкессіздіктердің бар екендігі туралы растау
3) Сертификаттаудан бас тарту туралы Шешім-ұсынымдарды қабылдау жөнінде комиссия жіберу
Тапсырыс берушінің түзету іс-қимыл жоспарын келісу және түзету іс-қимылын тексеру аудит процесіне кірмейді және аудит аяқталғаннан кейін жүргізіледі.
4. Халал өнімдерінің сәйкестік сертификатын беру немесе бас тарту туралы шешім қабылдау
Халал жүйесінің стандарт талаптарына сәйкестік сертификатын беру Халал СРО қабылдаған оң шешім негізінде жүзеге асырылады.
Сертификат барлық анықталған сәйкессіздіктер жойылған жағдайда ғана беріледі.
Бас тартқан жағдайда Халал СРО дәлелді шешім ұсынады.
Сертификат қазақ, орыс және ағылшын тілдерінде ресімделеді.
Халал өнімдерінің сәйкестік сертификатының жарамдылық мерзімі сертификаттау схемасына байланысты.
5.Инспекциялық бақылау
Инспекциялық бақылау сертификаттау схемасына сәйкес мерзімді жүргізіледі.
Қолдану саласында немесе кәсіпорын туралы деректерде елеулі өзгерістер туындаған жағдайларда бұл өзгерістер келесі кезеңдік аудит барысында немесе жоспардан тыс инспекциялық аудит барысында тексеріледі.
Енгізілген өзгерістер бойынша Келісімге өзгеріс жасалады, оған екі тарап та қол қояды. Сертификаттың қолданылу мерзімі аяқталғанға дейін кәсіпорында келесі үш жыл мерзімге ұзарту үшін қайта аудит жүргізілуге тиіс.
6.Сәйкестік сертификатының қолданылуын тоқтата тұру және күшін жою
- сертификатталған ұйымда Халал стандарттар талаптарының бұзылуы жүйелі түрде байқалады;
- өтінім беруші белгіленген мерзімділікке сәйкес инспекциялық аудит жүргізуге кедергі келтіреді;
- өтінім беруші өз еркімен сертификаттың қолданылуын тоқтата тұруды сұрады;
- ұйымның қызметін тоқтату (біріктіру, бөлу, меншік нысанын өзгерту және т.б.).
- жоспардан тыс аудит кезінде құзыретті реттеуші органды тартуды талап ететін санитариялық қағидалар мен нормалардың, Халал стандарттары талаптарының бұзылуы туралы ақпаратты растау.
Егер тапсырыс беруші жоспарлы инспекциялық бақылау жүргізуден бас тартса, онда Халал СРО жауапты маманы осы ұйымға Халал өнімдерінің сәйкестік сертификатын тоқтата тұру туралы хабарлама-хат жібереді. Өтінім берушіден хабарлама-хат жіберілген күннен бастап күнтізбелік 30 күн ішінде жауап алмаған жағдайда, 6 айдан артық емес мерзімге сәйкестік сертификатының қолданылуын тоқтата тұру туралы мәселе Шешімдер қабылдау жөніндегі комиссияға шығарылады.
Сәйкестік сертификатының қолданылуын тоқтата тұру туралы шешім Тапсырыс берушіге шешім қабылданған күннен бастап үш күн мерзімде жіберіледі.
Сәйкестік сертификатының күшін жою туралы шешім тапсырыс берушіге шешім қабылданған күннен бастап үш күн мерзімде жіберіледі. Шешім қабылданған сәттен бастап тапсырыс беруші Халал өнімін сертификаттауға сілтеме жасай отырып, сертификатты пайдалануды тоқтатуға міндетті.
Сертификаттау саласын тоқтата тұру, күшін жою немесе қысқарту туралы ақпарат «ҚазСтандарт» РМК сайтында Халал СРО парақшасында орналастырылады және сұрау салу бойынша мүдделі тараптарға ұсынылады.
7. Қайта сертификаттау
Тапсырыс беруші сәйкестік сертификатының қолданылу мерзімі аяқталғанға дейін кемінде үш ай бұрын ҚазСтандарт ӨР Н 31-02 Халал СРО өтінім береді. Қайта сертификаттау сәйкестік сертификатының қолданылу мерзімі аяқталғанға дейін жүргізіледі.
Сертификат қайта сертификаттау қорытындысы бойынша 3 жылға ұзартылады.
8. Сертификаттау саласын кеңейту немесе қысқарту
Сертификаттау саласын кеңейту
Ұйымның сертификаттау саласын кеңейту жөніндегі жұмыстар осы өзгерістің негіздемесін және қажетті жаңа сертификаттау саласын көрсете отырып, ұйымның еркін нысандағы ресми өтініші негізінде жүргізіледі.
Өнімнің жаңа санаттары/кіші санаттары аудитінің оң нәтижелері болған кезде кеңейтілген сертификаттау саласына жаңа сәйкестік сертификаты беріледі.
9. Сертификаттау саласын қысқарту
Сертификаттау саласын қысқарту бастама бойынша жүргізіледі:
- сертификатталған ұйым (сертификат ұстаушы);
- Халал СРО инспекциялық бақылау, қайта сертификаттау нәтижелері бойынша немесе сертификаттау кезінде қойылатын талаптардың орындалуына әсер етуі мүмкін ұйымдағы өзгерістер туралы ақпарат алған кезде.
Сертификаттау саласы өтінім берушінің бастамасы бойынша қысқартылған жағдайда компания Халал СРО-ға өнімнің/көрсетілетін қызметтің алынып тасталатын түрін немесе өнімнің/көрсетілетін қызметтің өмірлік циклінің алынып тасталатын кезеңдерін көрсете отырып, өтініш-хат жібереді.