9 Маусым 2026
«ҚазСтандарт» РМК ұжымы метрология саласының жоғары білікті маманы, тәжірибелі сарапшы, тәлімгер және Қазақстан Республикасында өлшем бірлігін қамтамасыз ету жүйесін дамытуға бүкіл кәсіби ғұмырын арнаған Донбаева Вера Алексеевнаның дүниеден өткені туралы терең қайғыра отырып хабарлайды.
Вера Алексеевна өзінің еңбек жолын ҚазСтандарт жүйесінде 2002 жылы бастады. Ол метрология саласындағы Кадрларды даярлау және олардың біліктілігін арттыру орталығының маманы лауазымынан бастап, эталондық базаны дамыту, ғылыми зерттеулер жүргізу, өлшем құралдарын метрологиялық аттестаттау және қолданбалы метрология мәселелерімен айналысқан бейінді бөлімшелердің жетекші және бас маманы лауазымдарына дейінгі еңбек жолынан өтті. Оның кәсіби еңбек жолыіске адалдықтың, жоғары жауапкершіліктің және жетілуге үнемі ұмтылыстың жарқын үлгісі болды.
Вера Алексеевна өмірінің 37 жылдан астам уақытын метрология саласына арнады. Ол өлшеу белгісіздігін бағалау әдіснамасын, сынақтар мен калибрлеуді метрологиялық қамтамасыз етуді дамытуға, сондай-ақ техникалық реттеу саласындағы нормативтік базаны жетілдіруге елеулі үлес қосты.
2006 жылдан бастап Вера Алексеевна метрологтарға, сынақ зертханаларының қызметкерлеріне, стандарттарды әзірлеушілерге және өлшеу нәтижелерінің белгісіздігін бағалау жөніндегі сарапшыларға арналған біліктілікті арттыру курстарын өткізіп, сала мамандарын даярлау ісімен белсенді айналысты. Оның білімінің, тәжірибесі мен педагогикалық шеберлігінің арқасында жүздеген маман өз біліктілігін арттырып, кәсіби құзыреттерін нығайтты.
Вера Алексеевна метрология саласындағы халықаралық және ұлттық нормативтік құжаттарды, олардың ішінде ISO/TS 14253-2, ISO/DTS 21748, JCGM 106:2012, UKAS M3003, ҚР СТ 2.79-2014, ҚР СТ 2.100-2006, ҚР СТ 2.184-2010 және кәсіби қауымдастық арасында кеңінен қолданыс тапқан басқа да көптеген құжаттардыәзірлеуге және аударуға тікелей қатысты.
Ол ТМД Стандарттау, метрология және сертификаттау жөніндегі мемлекетаралық кеңесінің, ISO/REMCO үйлестіру комитетінің және EURAMET үйлестіру кеңесінің жұмысына белсенді қатысты. Өлшеу нәтижелерінің белгісіздігін бағалауға және өлшеу нәтижелерінің сенімділігін қамтамасыз етуге арналған халықаралық әдістемелік нұсқауларды аудару және бейімдеу бағытындағы еңбектері ерекше жоғары бағаланды.
Метрологияны дамытуға, нормативтік базаны жетілдіруге және мамандар даярлауға қосқан зор үлесі үшін Вера Алексеевнаға «КООМЕТ-тің еңбек сіңірген метрологы» құрметті атағы берілді, бұл шын мәнінде оның жоғары кәсібилігін жәнехалықаралық метрологиялық қауымдастық алдындағы еңбегін танудың көрінісі болатын.
Вера Алексеевна Донбаеваның жарқын бейнесі әріптестерінің, шәкірттерінің және онымен бірге қызмет атқару бақыты бұйырған жандардың жүрегінде мәңгі сақталады. Оның кәсіби шеберлігі, өз мамандығына адалдығы, білімін бөлісуге әрдайым дайын болуы және адамгершілік қасиеттері көптеген мамандар, бірнеше ұрпақ үшін үлгі болып қала береді.
«ҚазСтандарт» РМК ұжымы Вера Алексеевнаның туған-туыстары мен жақындарына қайғыра көңіл айтады. Орны толмас қазаға байланысты қайғыларынаортақтасып, көңіл айтамыз.