23 Шілде 2026
Қазақстан Республикасы Сауда және интеграция министрлігі Техникалық реттеу және метрология комитеті «ҚазСтандарт» РМК-мен бірлесіп, стандарттау жөніндегі техникалық комитеттермен өткізілген жұмыс кеңестерінің сериясын аяқтады.
Салалық жұмыс кездесулер барысында техникалық комитеттердің қызмет нәтижелері, ұлттық стандарттау жүйесін дамытудың өзекті мәселелері, стандарттау саласындағы заңнаманы жетілдіру, Ұлттық стандарттау жоспарын қалыптастыру, сондай-ақ мемлекеттік органдардың, бизнестің, ғылыми және сараптамалық қауымдастықтың өзара іс-қимыл тиімділігін арттыру мәселелері талқыланды.
Стандарттау жұмыстарына қаржыландыру мәселелеріне ерекше назар аударылды. Ұлттық стандарттарды әзірлеудің басым бағыттарын айқындау және оларды әзірлеу жұмыстарын қаржыландыруды қамтамасыз ету кезінде техникалық комитеттердің салалық мемлекеттік органдармен жүйелі өзара іс-қимылын қалыптастыру қажеттілігі атап өтілді.
Кеңес барысында ұлттық техникалық реттеу жүйесін цифрлық трансформациялау, е-КТРМ ақпараттық жүйесін дамыту, қазақстандық сарапшылардың ISO халықаралық техникалық комитеттерінің жұмысына қатысу аясын кеңейту, сондай-ақ заманауи технологиялық үрдістер мен отандық нарықтың қажеттіліктерін ескере отырып, экономиканың басым секторлары үшін ұлттық стандарттарды әзірлеу мәселелері талқыланды.
Кеңес жұмыс қорытындысы бойынша техникалық комитеттерден түскен ұсыныстар салалық мемлекеттік органдармен бірлесіп ұлттық стандарттарды әзірлеуді қаржыландыру мәселелерін одан әрі пысықтау кезінде, сондай-ақ техникалық комитеттердің қызметінің тиімділігін арттыруға, халықаралық ынтымақтастықты дамытуға және стандарттау процестерін цифрлық трансформациялауға бағытталған іс-шараларды іске асыру барысында пайдаланылатын болады.
