20 Маусым 2026
«ҚазСтандарт» өкілдері мен №76 «Бұзбайтын бақылау, техникалық диагностика және жай-күй мониторингі» Ұлттық техникалық комитетінің өкілдері ISO/TC 135 «Бұзбайтын бақылау» техникалық комитетінің және оның кіші комитеттерінің пленарлық отырыстарына қатысты. Кездесулер 12-14 маусым аралығында өтті және осы саладағы халықаралық стандарттауды дамытуға арналды.
ISO/TC 135/SC 9 «Акустикалық эмиссиялық сынақтар» кіші комитетінің басшылығы және хатшылығы қатысқан келіссөздер барысында тараптар Қазақстанда акустикалық эмиссия әдісімен бақылауды дамытудың перспективаларын талқылады. ISO құжаттары негізінде ұлттық стандарттарды әзірлеу, мамандарды даярлау және сертификаттау, сондай-ақ өнеркәсіптік қауіпсіздік деңгейін арттыру үшін заманауи бақылау технологияларын енгізу туралы сөз болды.
Қазақстан делегациясы сондай-ақ беттік, ультрадыбыстық және акустикалықэмиссиялық әдістермен бақылау саласындағы халықаралық стандарттар жобаларын қарауға қатысты. Қатысушылар халықаралық стандарттаудың жаңа бағыттары мен олардың даму перспективаларына ерекше назар аударды.
Кездесулердің маңызды тақырыбы Қазақстан мен Қытай Халық Республикасы бірлесіп жүргізетін ISO/TC 135/SC 9 кіші комитетінің қызметі болды. Кездесу аясында ТРМК және ҚазСтандарт жұмыстары, сондай-ақ акустикалық эмиссия саласындағы ұлттық стандарттау жүйесі таныстырылды.
Халықаралық техникалық комитеттердің жұмысына қатысу Қазақстанға ұлттық стандарттарды халықаралық талаптарға сәйкестендіруге, шетелдік әріптестермен ынтымақтастықты нығайтуға және стандартизацияның жаһандық жүйесіндегі өзінің қатысуын күшейтуге мүмкіндік береді.