22 Шілде 2026
19–20 тамыз күндері Қазақстан астанасында Халықаралық стандарттау ұйымының (ISO) ISO/ТК 34/ПК 6 «Ет, құс еті, балық, жұмыртқа және олардың өнімдері» техникалық комитетінің пленарлық отырысы өтеді. Сонымен қатар, жетекші шетелдік сарапшылардың, мемлекеттік органдар мен бизнес өкілдерінің қатысуымен ет өнімдерінің сапасына арналған Халықаралық форум ұйымдастырылады.
Іс-шаралар шеңберінде дайын ет өнімдеріне арнайы мамандандырылған көрме өтеді. Аталған іс-шарада қазақстандық өндірушілерге өз өнімдерін халықаралық сарапшылар мен әлеуетті серіктестерге таныстыруға, сонымен қатар саладағы заманауи талаптар мен әлемдік даму тенденцияларымен танысу мүмкіндігіне ие болады.
Көрмеге қатысуға дайын ет өнімдерін өндіретін Қазақстан кәсіпорындары шақырылады.
Көрмеге қатысу кәсіпорындарға өз өнімдерін халықаралық аудиторияға таныстыруға, шетелдік серіктестермен жаңа іскерлік байланыстар орнатуға, заманауи халықаралық сапа стандарттарымен танысуға, брендтің танымалдылығын арттыруға және жаңа нарықтарға шығуға мүмкіндік береді.
Қатысу шарттары, өткізу форматы және тіркелу тәртібі туралы толық ақпарат жақын арада жарияланады.
Көрмеге қатысу мәселелері бойынша 79-60-06 телефоны арқылы хабарласуға болады.
Ұйымдастырушылар отандық өндірушілерді көрмеге қатысуға және өз өнімдерін халықаралық алаңда таныстыруға шақырады.