Өткен жылы ЕАЭО елдерінің стандарттау жөніндегі ұлттық институттары бірлескен қызмет туралы келісімге және оны іске асыру жөніндегі іс-шаралар жоспарына қол қойды. Енді ынтымақтастыққа 5 ұйым қатысады: Армениядан — Экономика министрлігінің Стандарттау және метрология жөніндегі ұлттық органы, Беларусьтен — Беларусь мемлекеттік стандарттау және сертификаттау институты, Қырғызстаннан — Экономика министрлігі жанындағы Стандарттау және метрология жөніндегі орталық, Ресейден-Ресей стандарттау, метрология және сәйкестікті бағалау жөніндегі ақпарат ғылыми - техникалық орталығы және Қазақстаннан-біздің институт.
2021 жылғы 22 қыркүйекте жаңа күн тәртібін талқылау үшін институттардың жұмыс тобының кезекті отырысы ұйымдастырылды:
– ЕАЭО техникалық регламенттеріне арналған мемлекетаралық стандарттарды әзірлеу жөніндегі бағдарламаларды қалыптастыру;
– ЕАЭО техникалық регламенттерінің тізбелеріне енгізілген стандарттардың ғылыми-техникалық деңгейін (ҒТД) тексеру жөніндегі жұмыстарды жоспарлау;
– халықаралық (өңірлік) стандарттардың орыс тілді аудармаларының деректер базасын қалыптастыру тетігі бөлігіндегі «Мемлекетаралық стандарттау жөніндегі құжаттардың таралуының есебін жүргізу» мемлекетаралық стандарттау жөніндегі ұсынымға № 1 өзгеріс жобасы туралы;
– ЕАЭО техникалық регламенттерін және стандарттар тізбесін сүйемелдеу және уақтылы өзектілендіру бойынша техникалық реттеу жөніндегі базалық ұйымдарды айқындау тәсілдері туралы.
ҚазСтандарт күн тәртібіндегі мәселелердің бірі бойынша бастама жасады. Бас директордың орынбасары С.Ю. Радаев ҒТД-ны тексеру өлшемшарттарын, ҒТД-ны бағалауға қойылатын талаптарды, сондай-ақ оның нәтижелерін қамтитын мемлекетаралық стандарттардың ғылыми-техникалық деңгейін тексеру туралы ұсынымдар жобасын таныстырды. Жобаны басқа ұлттық стандарттау органдарының өкілдері қолдады.
Отырыс қорытындысы бойынша Іс-шаралар жоспарын және ЕАЭО-ға мүше мемлекеттердің стандарттау жөніндегі ұлттық институттарының бірлескен қызметі туралы келісімді іске асыру жөніндегі ЕАЭО-ға мүше мемлекеттердің ұлттық стандарттау институттары жұмыс тобының келесі отырысында одан әрі қарау мақсатында 6 қазанға дейін қаралатын мәселелер бойынша ескертулер мен ұсыныстар беру туралы шешім қабылданды.