Satbayev University базасында «KazStandard Academy» ашылуы
Президент Қасым-Жомарт Тоқаев гуманитарлық білім берудің басымдықтарын техникалық білімнің пайдасына ауыстырудың маңыздылығына бірнеше рет назар аударды. «Бәріміз білімге деген көзқарасымызды өзгертуіміз керек. Гуманитарлық мамандықтарға әуестену кезеңі өтті. Техникалық мамандықтарға басымдық беру қажет. Инженер-өнеркәсіпшілердің жаңа буынын өсіру керек», - деді Президент 2022 жылғы қаңтардағы Мәжіліс отырысында.
Стандарттау және метрология саласымен байланысты мамандықтар өндірілетін және импортталатын өнімнің сапасына қойылатын талаптардың Қазақстанда қатаңдануына байланысты ҚР-да еңбек нарығында жоғары сұранысқа ие.
«Біздің мақсатымыз экономиканың барлық салаларын стандарттау және метрология саласындағы мамандармен қамтамасыз етуге көмек көрсету, білім алушылардың ғылыми-зерттеу жұмыстарын жүргізуі үшін өндірістік алаң құру, Satbayev University - де қос тарапты білім беруді енгізу» - деді ҚазСтандарттың бас директоры Ғабит Мұхамбетов.
«KazStandard Academy» ашылуы аясында ҚазСтандарт пен Satbayev University арасында келісімге қол қойылды.
Өзара ынтымақтастықтың міндеттері:
1. «Стандарттау және сертификаттау» және «Метрология және метрологиялық қамтамасыз ету» бағыттары бойынша магистратура мен докторантура ашу;
2. Стандарттау, метрология және сертификаттау саласында ПОҚ құзыреттілігін арттыру;
3. R&D, стандарттау, метрология және сертификаттау жөніндегі оқулықтарды, оқу құралдарын қолдана отырып, қолданыстағы білім беру бағдарламаларын дамыту және жаңарту.
Қазіргі уақытта Satbayev University-ді Орталық Азия өңірінің ірі ғылыми-зерттеу хабына айналдыру бойынша жұмыстар жүргізілуде.