Стандарттар интернет-дүкенінің жұмысындағы уақытша техникалық шектеулер

Құрметті серіктестер!
«Қазақстан стандарттау және метрология институты» ШЖҚ РМК (бұдан әрі ¬ ҚазСтандарт) сіздерге ынтымақтастық қарым-қатынастарыңыз және сенім білдіргендеріңіз үшін алғыс білдіреді.
Осы арқылы қазіргі уақытта стандарттардың интернет-дүкенінің (https://new-shop.ksm.kz/) жұмысында нормативтік құжаттарды көрсету және өзектендіру модулінің дұрыс жұмыс істемеуіне байланысты уақытша техникалық шектеулер байқалғанын хабарлаймыз.
Атап айтқанда, пайдаланушылардың жеке кабинетінде бұрын сатып алынған құжаттардың жаңартылған нұсқаларын ашу және алу мүмкіндігі болмауы мүмкін.
Аталған мән-жайлар техникалық сипатта екенін және пайдаланушылардың әрекеттеріне немесе жасалған шарттардың талаптарына байланысты емес екенін хабарлаймыз.
Туындаған шектеулерді жою мақсатында қазіргі уақытта интернет-дүкенді жаңғырту және оның жаңартылған нұсқасын іске қосу бойынша жұмыстар кешені жүргізілуде. Жұмыстарды аяқтаудың жоспарланған мерзімі - 2026 жылғы 20 сәуірге дейін.
Келтірілген қолайсыздықтар үшін шын жүректен кешірім өтінеміз және нормативтік құжаттарды, оның ішінде аккредиттеу және сәйкестікті растау рәсімдері шеңберінде уақтылы өзектендіру қажеттілігімен байланысты ықтимал тәуекелдерді түсінеміз.
Қажет болған жағдайда, ҚазСтандарт мүдделі ұйымдар мен сәйкестікті растау жөніндегі органдардың мекенжайына құжаттарды өзектендіруге қолжетімділіктің уақытша болмауы пайдаланушыларға қатысты емес техникалық себептерге байланысты екені туралы ресми түсініктемелер беруге дайын екенін қосымша хабарлаймыз. 
Сервистің толыққанды жұмыс істеуін қалпына келтіру туралы қосымша хабарланатын болады.
Түсіністік танытқандарыңыз үшін алғыс айтамыз және бұдан әрі де ынтымақтастық қарым-қатынаста боламыз деп үміттенеміз.