20 Қыркүйек 2025
ҚР СИМ және ведомствоға бағынысты ұйым қызметкерлері World Cleanup Day шеңберінде елорда көшелеріне шықты және шамамен 40 қап қоқыс жинады.
«Таза Қазақстан. Астана — тазалық пен тәртіптің үлгісі» ауқымды экологиялық акция және Дүниежүзілік тазалық күні (World Cleanup Day) шеңберінде елордада 20 қыркүйекте таң азаннан жалпықалалық сенбілік өтті.
ҚР Сауда және интеграция министрлігінің қызметкерлері ведомствоға бағынысты ұйымдармен бірге қала көшелеріне шықты. Жұмыс қорытындысы бойынша шамамен 40 қап қоқыс жиналды.
Акцияға «ҚазСтандарт» ШЖҚ РМК, «Ұлттық аккредиттеу орталығы» РМК және «QazTrade» сауда саясатын дамыту орталығы» АҚ ұжымдары қатысты .
Команда бекітілген аумақты тәртіпке келтірді: қоқысты жинады және тротуарды сыпырды. Мұндай сенбіліктер елордамызда жақсы дәстүрге айналды.
— Таза қала қарапайым әрекеттен басталады. Тазалап жинауға ұжым болып шыққан кезде нәтиже бірден көзге көрінеді, - деп атап өтті акцияға қатысушылар.
Жиналған қаптар коммуналдық қызметтерге одан әрі шығару үшін тапсырылды.
13 қыркүйектен 11 қазан аралығында «Таза Қазақстан: Таза Астана» экологиялық айлығы өтетіндігін естеріңізге саламыз.
