10 Наурыз 2026
ТМД елдерінде «Стандарттар және сапа. ТМД» жаңа арнайы журналды шығаруды жоспарланып жатыр. Бірінші нөмірді 2026 жылдың маусымында шығаруды жоспарлап отыр. Оны Стандарттау, метрология және сертификаттау жөніндегі мемлекетаралық кеңесінің (СМК) 69-шы отырысына орайластырып шығарады.
Журналды тұрақты түрде шығару туралы шешімді 2024 жылы 11 желтоқсанда Мәскеуде өткен СМК 68-ші отырысында қабылдады.
Журнал Достастық елдері арасында тәжірибе алмасу және стандарттау мен сапаның өзекті мәселелерін талқылау алаңына айналады. Оның негізгі мақсаты ұлттық стандарттау органдары, сарапшылар мен өнеркәсіп өкілдері үшін бірыңғай ақпараттық кеңістікті қалыптастыру болып табылады.
Басылымды жылына екі рет шығару жоспарланып отыр. Журналдың нөмірлері Мемлекетаралық кеңестің кезекті отырыстарына орай шығарылып отырады.
Журналда стандарттау және метрология саласындағы мемлекетаралық реттеу, экономиканың негізгі салаларындағы стандарттарды дамыту, өнеркәсіпті метрологиялық қамтамасыз ету, сапаны басқарудың үздік тәжірибелері және ТМД нарығын контрафактілік өнімдерден қорғауға бағытталған сертификаттау мәселелері туралы материалдар жарияланатын болады.
Журналға жазылуды +7 (495) 258 8436 телефоны бойынша немесеpodpiska@mirQ.ru электрондық пошта арқылы ресімдеуге болады.