7 Қараша 2025
«ҚазСтандарт» РМК-да өзінің еңбек жолын Қазақстанда метрологияны дамытуға қырық жылға жуық уақытын арнаған маман Валентина Михайловна Чубрик аяқтады.
1964 жылы Қарағандыда дүниеге келген Валентина Михайловна Қарағанды политехникалық институтын «Пайдалы қазбалар кен орындарын іздестірудің геофизикалық әдістері» мамандығы бойынша бітірген. 1987 жылы ол еңбек жолын Қарағанды Стандарттау және метрология орталығында бастады, ал 2002 жылдан бастап "ҚазМетрИн" РМК Қарағанды филиалында жұмысын жалғастырды.
Жұмыс істеген жылдары ол өлшем құралдарына 230-дан астам сынау, 300-ден астам метрологиялық аттестаттау, бір жарым мың салыстырып тексеру және калибрлеу жүргізді, сондай-ақ эталон кіртастарын әзірлеуге және өндіруге қатысты.
Сонымен қатар Валентина Михайловна нормативтік құжаттар мен әдістемелерді дайындаумен айналысты, тәжірибені жас мамандарға бере отырып, оқыту мен тәлімгерлік жүргізді.
Валентина Михайловна «дәлдік» сөзі нені білдіреді деген сұрағымызға жымиып отырып жауап берді:
«Үнемі қолданылатын сөз бар — «Дәлдік — патшалардың сыпайылығы». Өлшеу дәлдігін қамтамасыз ету - бұл менің жұмысым, бірақ өмірдегі дәлдіктің көрінісі соншалықты көп қырлы болуы мүмкін, кейде оның күнделікті өмірде берік қалыптасқанына таңғаласың. Кешікпеу, бәрін уақытында және сапалы жасау, этикетті сақтау - бұл да дәлдік туралы».
Ол өзінің Қарағандыдағы «Қазчерметавтоматика» кәсіпорнында әзірленген РИВК-1 радиоизотоптық өлшеу-есептеу жабдығы кешеніне жасаған алғашқы сынағын жылы еске алады:
«Бұл нағыз кәсіпқойлар жұмыс істейтін флагман-кәсіпорын болды. Дәл сол жерде мен алғашқы практикалық тәжірибе алдым және метрологияның қаншалықты қызықты және жауапты болатынын түсіндім».
Ондаған жылдар ішінде мамандық түбегейлі өзгерді. Метрология мамандар мен кәсіпорындар үшін жаңа мүмкіндіктер аша отырып, кеңестік ГОСТ-тан заманауи аккредиттеу және калибрлеу жүйесіне дейін жүріп өтті.
Бүгін күні Валентина Михайловна өзінің тәжірибесімен жас әріптестерімен алмасып, үйретті және жетістік осы мамандықтың тәртіптен және өз ісіне деген махабаттан басталатындығына сенімді.
«Жас мамандарды оқыта отырып, мен әрқашан қауіпсіздік қағидаларынан, эталон жабдықтарымен жұмыс істеуден, құжаттама жүргізуден бастаймын. Бірақ бастысы - бұл нәтиже үшін жауапкершіліктің ішкі сезімі».
Қоштасу сәтінде ол өзіне — 1987 жылғы политехтің жас түлегіне беретін өз кеңесімен бөлісті:
«Қателесуден қорықпа, қателіктерді қайталаудан қорық. Ештеңе жасамайтын адам ғана қателеспейді. Егер сіз қателік жібермесеңіз, демек сіз өте қарапайым мәселелерді шешесіз».
Валентина Чубрик көп жылғы еңбегі мен кәсібіне адалдығы үшін «Құрметті метролог» («Заслуженный метролог») ведомстволық марапатымен марапатталды.
