13 Наурыз 2026
РМК «ҚазСтандарт» Тауарлар, жұмыстар және қызметтердің жалпы сыныптауышымен (ТЖКЖС) жұмыс істеу мәселелері бойынша «Атамекен» Ұлттық кәсіпкерлер палатасы мен салалық қауымдастықтардың өкілдеріне арналған оқыту семинарын өткізді, деп хабарлайды кәсіпорынның баспасөз қызметі.
13 наурызда комиссия құрамына кіретін «Атамекен» Ұлттық кәсіпкерлер палатасы мен салалық қауымдастықтардың өкілдеріне арналған онлайн-кездесу өтті. Іс-шара барысында комиссия мүшелері ретінде тіркелу және Ұлттық тауарлар каталогы (ҰТК) порталы арқылы өтінімдерді қарау тәртібі мәселелері қарастырылды. Оқытуға «Атамекен» Ұлттық кәсіпкерлер палатасы мен салалық қауымдастықтардың 12 өкіліқатысты.
Кездесу барысында қатысушыларға комиссия мүшелерін тіркеу тәртібі, сондай-ақ ҰТК порталы арқылы ТЖКЖС-на өзгерістер мен толықтырулар енгізу бойынша өтінімдерді қарау рәсімі егжей-тегжейлі түсіндірілді. Сонымен қатар, порталмен жұмыс істеудің кезең-кезеңімен нұсқаулығы ұсынылып, комиссияның тіркелу тәртібі және өтінімдерді қарау кезеңдері таныстырылды.
Комиссия жұмысының практикалық аспектілеріне ерекше назар аударылды. Іс-шара барысында қатысушылар порталмен жұмыс істеу кезінде туындайтын өзекті сұрақтарына жауап алды.
Кездесу қорытындысы бойынша қатысушыларға әдістемелік материалдар, порталмен жұмыс істеу жөніндегі нұсқаулықтар, сондай-ақ комиссия құрамын бекіту туралы жаңартылған бұйрық ресми түрде жолданды.
РМК «ҚазСтандартта» мұндай оқыту іс-шараларын өткізу комиссия жұмысына бірыңғай тәсілді қалыптастыруға, рәсімдердің ашықтығын арттыруға және мүдделі тараптар арасындағы өзара іс-қимылды нығайтуға ықпал ететінін атап өтті.