19 Наурыз 2026
Алматыда вагон және карьер таразыларын шығаратын Control System Technology Asia компаниясы үшін ҚазСтандарт презентациясы өтті, деп хабарлайды РМК баспасөз қызметі.
18 наурызда «ҚазСтандарт» РМК Алматы қаласы және Алматы облысы бойынша филиалы Control System Technology Asia ЖШС компаниясы үшін өз қызметінің презентациясын өткізді. Кездесу Институттың көрсетілетін қызметтері мен ынтымақтастық мүмкіндіктеріне арналды.
Кездесуге компания директоры Максим Малов қатысты. Презентацияда метрология бөлімінің басшысы А.М. Исламова сөз сөйледі, ол ҚазСтандарт жұмысының негізгі бағыттары және бизнес үшін қолжетімді көрсетілетін қызметтер туралы айтты.
Control System Technology Asia ЖШС базасы 21 метрге дейінгі 4, 6 және 8-осьті модельдерді қоса алғанда, вагондардың барлық типтерін статикалық өлшеуге арналған вагон таразыларын өндіруге мамандандырылған. Осындай үш кешенді «Қазақмыс корпорациясы» ЖШС кәсіпорындарында қолданылуда.
Компания сондай-ақ БелАЗ және Caterpillar техникасын қоса алғанда, карьерлік самосвалдарға арналған автомобиль таразыларын жасайды. Осындай екі объект «Қазақмыста» жұмыс істейді, тағы біреуі «Nova-Zink» ЖШС БК-да орнатылған.
Масс-компараторлар жеке бағыт болып табылады. Бұл – кіртасты, бақылау жүктерін және шығыс өлшегіштерді салыстырып тексеру үшін қолданылатын жоғары дәлдікті платформалық таразылар. Жабдықтың қателігі ең үлкен өлшеу шегінен 0,005 пайыз аспайды. Бүгінгі күні осындай үш қондырғы дайындалған және пайдалануға берілген.
Компания өзін Қазақстан нарығында жабдықтың сенімді жеткізушісі ретінде көрсетті.
Кездесу барысында тараптар өлшем құралдарының типін және партиясын бекіту, сынақтар жүргізу және метрологиялық аттестаттау мәселелерін талқылады. Сондай-ақ жабдықтарды салыстырып тексеру және калибрлеу, әдістемелер мен салыстырып тексеру таңбаларын сатып алу, мамандарды оқыту, ғылыми-техникалық қызмет және Институттың эталон базасымен жұмыс істеу тақырыптары қозғалды.
