12 Наурыз 2026
РМК «ҚазСтандарт» мамандары Тауарлар, жұмыстар және қызметтердің жалпы сыныптауышымен (ТЖКЖС) жұмыс істеу мәселелері бойынша оқыту семинарларын өткізді. Іс-шараларға мемлекеттік органдардың өкілдері қатысты, деп хабарлайды кәсіпорынның баспасөз қызметі.
12 наурызда РМК «ҚазСтандарт» мамандары Ұлттық тауарлар каталогы (ҰТК) порталында комиссия мүшелерінің тіркелуі және жұмыс істеу мәселелеріне арналған онлайн-семинарлар сериясын ұйымдастырды. Іс-шаралар ТЖКЖС-на өзгерістер мен толықтырулар енгізу барысында мемлекеттік органдар жұмысының тиімділігін арттыруға бағытталды.
Семинарлар барысында қатысушыларға мемлекеттік органдар өкілдерін ҰТК порталында комиссия мүшелері ретінде тіркеу тәртібі, сондай-ақ ТЖКЖС-на өзгерістер мен толықтырулар енгізу бойынша өтінімдерді қарау рәсімі түсіндірілді. Сонымен қатар, мамандар жүйенің негізгі функционалдық мүмкіндіктерін және порталмен жұмыс істеудің практикалық аспектілерін таныстырды.
Іс-шараларға ТЖКЖС-ын қалыптастыру және жүргізуге тартылған мемлекеттік органдардың 29 өкілі қатысты. Онлайн-кездесулер форматы қатысушыларға өзекті сұрақтарын қойып, ҰТК порталында жұмыс істеудің практикалық мәселелері бойынша қосымша түсіндірмелер алуға мүмкіндік берді.
РМК «ҚазСтандартта» мұндай оқыту іс-шараларын өткізу ТЖКЖС жүргізу сапасын арттыруға және сыныптауышпен жұмыс істеу жүйесін одан әрі жетілдіруге ықпал ететінін атап өтті.