24 Қыркүйек 2025
17–19 қыркүйекте «ҚазСтандарт» РМК делегациясы Нью-Делиде «Тұрақты әлемге ықпал ету» тақырыбында өткен Халықаралық электр-техникалық комиссиясының (ХЭК) 89-шы Жалпы жиналысына қатысты.
Ұйымдастырушылар талқылауға шығарды: тұрақты даму мәселелері, экологиялық және цифрлық трансформациялауда халықаралық стандарттардың рөлі, электр-техникалық салада жаһандық ынтымақтастықты кеңейту.
ХЭК стандарттары тұрақты даму мақсаттарына қол жеткізуде және болашақ әлемдік күн тәртібін қалыптастыруда маңызды рөл атқарғандығын атап өтті.
Жалпы жиналыс тәжірибе алмасу, бірлескен шешім шығару және халықаралық өзара іс-қимылды нығайту үшін зор мүмкіндіктерді бере отырып, әртүрлі елдердің ұлттық стандарттау органдарының өкілдерін, сарапшылары мен мамандарын біріктірді.
Сапар аясында ҚазСтандарт делегациясының Халықаралық стандарттау ұйымының (ISO) Бас хатшысы Серхио Мухикамен кездесуі өтті, кездесу барысында Астанаға алдағы сапары және Орта Азия елдері мен ISO Өңірлік кездесуін өткізу туралы мәселелері талқыланды.
Қазақстанның іс-шараға қатысуы еліміздің техникалық реттеу және стандарттау саласындағы халықаралық ынтымақтастықты дамытуға бейілдігін, сондай-ақ ХЭК жаһандық бастамасында одан әрі үлес қосуға дайындығын растады.