ДСҰ-ға мүше елдің хабарламасы: Жапония. Ауыл, орм…

1. ДСҰ-ға мүше елдің хабарламасы: Жапония. Ауыл, орман және балық шаруашылығы министрлігі (MAFF). Meloidogyne enterolobii ену (әкеліну) қаупін азайту жөніндегі шұғыл шаралар.

Жапонияға Meloidogyne enterolobii нематодасының енуіне жол бермеу мақсатында Ауыл шаруашылығы, орман және балық шаруашылығы министрлігі (MAFF) экспорттаушы өңірлердің/елдердің Ұлттық өсімдіктерді қорғау ұйымдарынан (NPPO) мынадай талаптардың орындалғанын куәландыруды талап етеді:

Қоса берілген құжатта көрсетілген отырғызу және өсіру үшін пайдалануға болатын тірі өсімдіктердің жерасты бөліктеріне қатысты:

i) өсімдіктер Meloidogyne enterolobii нематодасының анықталғаны туралы мәліметтер болмаған немесе бұрын анықталған, бірақ жойылған өндіріс орнында немесе өндірістік учаскеде (өсімдіктер өсірілетін нысанды қоса алғанда) өсіріледі; және

ii) өсімдіктер вегетациялық кезеңде өндіріс орнында немесе өндірістік учаскеде тексеріледі, сондай-ақ өсіру ортасы мен өсімдіктердің жерасты бөліктері тиісті нематологиялық зерттеу әдісімен тексеріліп, Meloidogyne enterolobii нематодасынан таза екені анықталады.

Осыған байланысты экспорттаушы өңірлердің/елдердің NPPO ұйымдары фитосанитариялық сертификатқа қосымша декларацияны, мысалы, мынадай тұжырымды енгізуге міндетті:

«Өсімдіктерді қорғау туралы заңды іске асыру қағидаларының қоса берілген 2-2 кестесінің 13-тармағының талаптарына сәйкес келеді (MAF Ordinance No. 73/1950)».

(2026 жылғы 3 тамыздағы G/SPS/N/JPN/1426 хабарламасы)