ДСҰ-ға мүше елдің хабарламасы: Қазақстан Республи…

1. ДСҰ-ға мүше елдің хабарламасы: Қазақстан Республикасы. Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті. Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Францияның Эр, Па-де-Кале, Мен-и-Луара, Лот-и-Гаронна, Норд, Алье, Де-Севр департаменттерінен Қазақстан Республикасының аумағына тірі үй құстарын және инкубациялық жұмыртқаларды, мамық пен қауырсындарды, термиялық өңдеуден өтпеген құс етін және құс шаруашылығы өнімдерінің барлық түрлерін, құстарға арналған жемдер мен жемдік қоспаларды, таксидермиялық өңдеуден өтпеген аңшылық олжаларды, құстарды ұстауға, союға және мүшелеуге арналған пайдаланылған жабдықтарды әкелуге, сондай-ақ аталған аумақтардан тірі құстарды Қазақстан Республикасының аумағы арқылы транзиттеуге уақытша шектеулер енгізу туралы хаты.

Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті Дүниежүзілік жануарлар денсаулығы ұйымының (WOAH) ресми хабарламасына сәйкес Францияның Эр, Па-де-Кале, Мен және Луара, Лот-и-Гаронна, Нор, Алье және Де-Севр департаменттерінде жоғары патогенді құс тұмауының ошақтары тіркелгенін хабарлайды. Осыған байланысты, 2026 жылғы 27 наурыздан бастап Францияның Эр, Па-де-Кале, Мен-и-Луара, Лот-и-Гаронна, Нор, Алье және Де-Севр департаменттерінің аумағынан Қазақстан Республикасының аумағына тірі үй құстары мен инкубациялық жұмыртқаларды, құс еті және термиялық өңдеуден өтпеген (кемінде 70°С температурада өңделмеген) құс шаруашылығы өнімдерінің барлық түрлерін, құстарға арналған жемдер мен жемдік қоспаларды (өсімдік текті жемдік қоспаларды, сондай-ақ химиялық және микробиологиялық синтез өнімдерін қоспағанда), мамық пен қауырсындарды, тұлыптау (таксидермиялық) өңдеуден өтпеген аңшылық олжаларды (қанатты аң-құстар), құстарды ұстауға, союға және мүшелеуге арналған пайдаланылған жабдықтарды әкелуге уақытша шектеулер енгізіледі.

Сондай-ақ жоғарыда аталған аумақтардан тірі үй құстарын Қазақстан Республикасының аумағы арқылы транзитпен өткізуге уақытша шектеулер енгізілді.

( 2026 жылғы 22 мамырдағы G/SPS/N/KAZ/226 хабарламасы)