ДСҰ-ға мүше елдің хабарламасы: Қазақстан Республи…

1. ДСҰ-ға мүше елдің хабарламасы: Қазақстан Республикасы. Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті. Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің жоғары патогенді құс тұмауына байланысты Словакия Республикасының Прешов және Трнава өңірлерінің аумағынан Қазақстан Республикасына тірі үй құстарын және инкубациялық жұмыртқаларды, құс етін және термиялық өңдеуден өтпеген (кемінде 70°С температурада өңделмеген) құс шаруашылығы өнімдерінің барлық түрлерін, құстарға арналған жемдер мен жемдік қоспаларды (химиялық және микробиологиялық синтез өнімдерін қоспағанда), мамық пен қауырсынды, таксидермиялық өңдеуден өтпеген аңшылық олжаларды (қауырсынды жабайы құстарды), сондай-ақ құстарды ұстауға, союға және өңдеуге арналған бұрын пайдаланылған жабдықтарды әкелуге уақытша шектеу енгізу туралы хаты.

Қазақстан Республикасы Ауыл шаруашылығы министрлігінің Ветеринариялық бақылау және қадағалау комитеті Дүниежүзілік жануарлар денсаулығы ұйымының (WOAH) ресми ақпаратына сүйене отырып, жоғары патогенді құс тұмауына байланысты 2026 жылғы 6 наурыздан бастап Словакия Республикасының Прешов және Трнава өңірлерінің аумақтарынан Қазақстан Республикасына тірі құс пен инкубациялық жұмыртқаларды, құс еті мен термиялық өңдеуден өтпеген (кемінде 70°C температурада өңделмеген) құс шаруашылығы өнімдерінің барлық түрлерін, құстарға арналған жемдер мен жемдік қоспаларды (химиялық және микробиологиялық синтез арқылы алынған жемдік қоспаларды қоспағанда), мамық пен қауырсындарды, таксидермиялық өңдеуден өтпеген аңшылық олжаларды (қауырсынды аң-құстарды), құсты ұстауға, союға және өңдеуге арналған бұрын пайдаланылған жабдықтарды әкелуге уақытша шектеулер енгізеді. Сондай-ақ жоғарыда көрсетілген аумақтан Қазақстан Республикасының аумағы арқылы келесі тауардың транзитіне уақытша шектеу енгізіледі: тірі құс.

( 2026 жылғы 22 мамырдағы G/SPS/N/KAZ/225 хабарламасы)