ДСҰ-ға мүше елдің хабарламасы: Сауд Арабиясы Коро…

ДСҰ-ға мүше елдің хабарламасы: Сауд Арабиясы Корольдігі. Сауд Арабиясының азық-түлік және дәрі-дәрмектерді бақылау басқармасы (SFDA). Сауд Арабиясының азық-түлік және дәрі-дәрмектерді бақылау басқармасының «Аргентинадағы Буэнос-Айрестан шыққан құс етін, жұмыртқаларды және олардан жасалған өнімдерді әкелуге уақытша тыйым салу» атаулы 2026 жылғы 12 наурыздағы №38527 әкімшілік бұйрығы туралы хабарлама.

Дүниежүзілік жануарлардың денсаулығын сақтау ұйымының (WOAH) 2026 жылғы 23 ақпандағы есебіне сәйкес, Аргентинадағы Буэнос-Айреста жоғары патогенді құс тұмауының (HPAI) өршуін тіркеді. WOAH талаптарын, сондай-ақ құрлықтағы жануарлардың денсаулығын сақтау Кодексінің 10.4 тарауын ұстана отырып Сауд Арабиясы Корольдігі HPAI вирусының ел аумағына енуіне жол бермеу қажет деп санайды. Осыған байланысты Аргентинадағы Буэнос-Айрестан Сауд Арабиясы Корольдігіне құс етін, жұмыртқаны және олардан жасалған өнімдерді импорттау уақытша тоқтатылады. 

Ерекше жағдай ретінде, аталған шектеулерге жоғары патогенді құс тұмауы (HPAI) вирусын инактивациялауды қамтамасыз ететін термиялық немесе өзге де өңдеуден өткен құс еті мен жұмыртқадан жасалған қайта өңделген өнімдер жатпайды. Бұл ретте, олар бекітілген санитариялық талаптар мен стандарттарға сәйкес келуі және Аргентина Республикасының уәкілетті органдары берген, өнімде аталған вирустың жоқ екенін растайтын ветеринариялық сертификаты болуы тиіс.

https://members.wto.org/crnattachments/2026/SPS/SAU/26_01855_00_x.pdf 

(2026 жылғы 2 сәуірдегі G/SPS/N/SAU/615 хабарламасы)